На седмиот ден од спасувачките напори, вредните тимови беа сведоци на повеќе чудесни спасувања во акциите на пребарување и спасување на луѓе по силните земјотреси што ја погодија југоисточна Туркије на 6 февруари.
Толга Факиоглу, 34-годишен маж, беше спасен денес во областа Дефне во провинцијата Хатај, откако беше заглавен под урнатините 155 часа од првиот земјотрес што ја погоди земјата.
Рукије, млада жена на 21 година, исто така беше извлечена од урнатините во Адијаман, благодарение на напорите на спасувачките тимови да ја спасат откако беше заглавена под урнатините 153 часа.
Хусеин Сефероглу, лице со ментална попреченост, исто така беше извлечено од урнатините во Антакија во Хатај. Машко лице на возраст од 23 години беше извлечено од урнатините 152 часа по земјотресот.
Исмихан, 85-годишна жена, исто така била спасена во истиот регион, откако била заглавена под урнатините 152 часа.
Претседателот на Ел Салвадор, Наџиб Букеле на социјалната мрежа Твитер објави дека тимови од земјата спасиле жена и дете 150 часа по земјотресот.
Двете сестри Рабија Кирмизи (22) и Елиф Кирмизи (28) беа спасени денес во провинцијата Адијаман, откако беа заглавени под бетонски блокови 152 часа.
Спасувачките тимови го спасија и Хаџи Ахмет Ејчи, седумгодишно момче, кое беше извадено од под урнатините на осумкатната зграда во Адијаман 152 часа по земјотресот.
Во друга спасувачка надеж за повеќе преживеани, тимовите спасија мајка и нејзин син по име Омер, откако беа заглавени под урнатините 150 часа.
Министерот за здравство на Република Туркије, Фахретин Коџа, исто така, на социјалната мрежа Твитер објави дека бебе било спасено од под урнатините во Хатај 150 часа по земјотресите што го погодија регионот. Тој ја сподели снимката од спасувачката акција, истакнувајќи: „Секогаш има надеж“.
Од урнатините во Хатај е извлечена и Музејен Офкели, 64-годишна жена. Офкели била заглавена под урнатините 150 часа.
Десетгодишното девојче Чуди е уште едно преживено лице од земјотресот, спасено од екипи од Истанбул во Кахраманмараш. Таа беше извлечена од урнатините по 147 часа.
Ханим Гулу (13 години) бил спасен во Адијаман откако бил заробен во урнатините цели 145 часа. Аднан Ахмад Амир, Сириец, и неговата четиригодишна ќерка Емира, исто така беа спасени 141 час по земјотресот.
Мустафа Саригул, 35-годишен маж, беше спасен од урнатините на шесткатна зграда во Хатај.
Младата девојка, Ејлул Килич, во Газиантеп, исто така, била спасена откако преживеала 146 часа во урнатините од зградите. Таа престојувала во домот на нејзината тетка кога земјотресите го потресле регионот.
Земјотресите со јачина од 7,7 и 7,6 степени, со епицентар во провинцијата Кахраманмараш, погодија повеќе од 13 милиони луѓе во 10 провинции, вклучувајќи ги Хатај, Газиантеп, Адана, Адијаман, Дијарбакир, Килис, Малатја, Османије и Шанлиурфа.
Неколку земји во регионот, вклучувајќи ги Сирија и Либан, ги почувствуваа силните земјотреси што ја погодија Туркије во понеделникот на 6 февруари.
Според досегашните информации, бројот на загинатите во земјотресите во Сирија се искачи на 3.574.
