Турскиот министер за надворешни работи Мевлут Чавушоглу разговараше со официјални претставници на маргините на Меѓународната донаторска конференција во Брисел, што се одржува денеска.
Министерот Чавушоглу се состана одделно со Тоив Клаар, специјален претставник на ЕУ за Јужен Кавказ и Грузија, и Ахим Штајнер, администратор на Програмата за развој на Обединетите нации (УНДП).
Чавушоглу изјави на социјалните мрежи дека разговарале за регионални прашања и процесот на обновата по земјотресите.
Чавушоглу ќе присуствува на Меѓународната донаторска конференција која ја организираат Европската комисија и Европскиот совет, со кој претседава Шведска, за поддршка на жртвите погодени од разорните земјотреси во југот на Туркије.
Бројот на загинати во разорните земјотреси што минатиот месец ја погодија јужна Турција се искачи на 50.096, потврди Управата за вонредни ситуации (АФАД). Претседателот на АФАД Јунус Сезер изјави дека се повредени 107.204 лица.
Два разорни земјотреси со јачина од 7,7 и 7,6 степени според Рихтеровата скала ги погодија јужните делови на Туркије на 6 февруари со епицентар во Кахраманмараш.
Повеќе од 13,5 милиони луѓе во Туркије беа погодени од разорните земјотреси, како и многу други во северна Сирија.
