Треба да се направат итни чекори кон прекин на огнот во Газа рече Британскиот премиер Кир Стармер на средбата со израелскиот претседател Исак Херцог во Париз дека.
„Премиерот рече дека мора да има итни чекори кон прекин на огнот, за да може да се ослободат заложниците и да се добие поголема хуманитарна помош за оние на кои им е потребна. Премиерот ја повтори својата постојана поддршка за правото на Израел на самоодбрана во согласност со меѓународното право“, се вели во соопштението од канцеларијата на Стармер во неделата.
Двајцата разговараа и за продолжување на билатералната соработка во клучни области како што се трговијата и инвестициите.
Израел, прекршувајќи ја резолуцијата на Советот за безбедност на ОН со која се бара итен прекин на огнот, се соочи со меѓународна осуда поради неговата континуирана брутална офанзива врз Газа по нападот на палестинската група Хамас на 7 октомври.
Според локалните здравствени власти, оттогаш се убиени повеќе од 39.300 Палестинци, главно жени и деца, а над 90.800 се повредени.
Повеќе од девет месеци по израелскиот напад, огромни делови од Газа се во урнатини со блокада на храна, чиста вода и лекови.
Израел е обвинет за геноцид пред Меѓународниот суд на правдата, чија последна пресуда му наложи веднаш да ја прекине воената операција во јужниот град Рафах, каде што повеќе од 1 милион Палестинци побараа засолниште од војната пред да биде нападната на 6 мај.
