Трамп објави дека е постигнат договор за заложниците во Газа

Новоизбраниот американски претседател Доналд Трамп во средата објави дека е постигнат договор за заложниците во Газа поради извештаите дека Израел и Хамас се согласиле за прекин на огнот. „Имаме договор за заложниците на Блискиот Исток. Тие ќе бидат ослободени наскоро“, објави Трамп на платформата Тру Сошиал. Претходно, палестинската група на отпорот Хамас објави дека официјално одговорила на предложениот договор за прекин на огнот со Израел. Во соопштението, групата рече: „Раководството на Хамас штотуку поднесе одговор на предлогот за прекин на огнот до посредниците Египет и Катар. Соопштението уследи по вонредниот состанок на политичкото биро на Хамас за да се разговара за предлогот на посредникот, се додава во соопштението.