Американскиот претседател Доналд Трамп ја повтори желбата за американска контрола врз Гренланд поради, како што наведе, безбедносни грижи.
„Потребен ни е Гренланд од национална и меѓународна безбедносна гледна точка. Мораме да направиме нешто во врска со Гренланд“, им рече Трамп на новинарите во претседателскиот авион Ер Форс 1.
Американскиот претседател негативно одговори на новинарско прашање дали прашањето на Гренланд е дел од разговорите со Европејците и Путин.
„Мораме да го имаме Гренланд заради националната безбедност, сега дури и повеќе од пред 20, 30 години кога тие исто така зборуваа за тоа“, рече Трамп, додавајќи:
„Знаете, тие зборуваа за тоа.
Територијата, која е под дански суверенитет од 1953 година, го привлече интересот на Трамп поради стратешката локација и богатите минерални резерви.
Тензиите се зголемија откако тој одби да ја исклучи можноста за економска или воена акција за обезбедување на Гренланд, тврдејќи дека тоа е клучно за заштита на слободниот свет.
Трамп претходно изјави дека поседувањето Гренланд е апсолутно суштинско за американската економска безбедност.
