Експлозии одекнаа во три празни автобуси на паркинзи во предградијата Бат Јам и Холон во Тел Авив во четвртокот вечерта, објавија неколку израелски медиуми.
Во врска со експлозиите, портпаролот на полицијата изјави: „Се зголемуваат сомнежите дека станува збор за напад. Нема човечки загуби“.
Во одделна изјава тој наведе дека експлозивите биле временски темпирани.
Во соопштението се истакнува дека во уште два автобуси биле откриени експлозиви и дека екипи работат на нивно уништување.
Kабинетот на израелскиот премиер објави дека премиерот Бенјамин Нетанјаху ќе одржи безбедносен состанок во врска со експлозиите.
Метро услугите се прекинати по експлозиите, но нема информации за повредени или жртви.
Израелскиот јавен сервис КАН објави дека агенцијата за внатрешна безбедност Шин Бет и полицијата проценуваат дали инцидентот бил координиран напад..
Радиото на израелската армија подоцна објави дека на еден од уредите пронајдени во Бат Јам пишувало „одмазда за кампот Тулкарем“.
