Ниските температури усмртија три палестински бебиња во Појасот Газа во последните 48 часа, поради смртоносниот израелски напад врз енклавата која ги принуди Палестинците да се раселат и да преживуваат во мизерни услови, соопштија во четвртокот официјални лица и локалните медиуми.
Тринеделно девојче го загуби животот во логор во шатор во Ал-Маваси во јужниот град Кан Јунис во средата, изјави д-р Мунир Ал-Бурш, генерален директор на Министерството за здравство на Газа на својот профил X.
Села Махмуд Ал-Фасих „замрзна до смрт од екстремниот студ“, додаде тој.
Официјалната палестинска новинска агенција Вафа соопшти дека уште две новороденчиња, на возраст од три дена и еден месец, исто така умреле од ниските температури и недостатокот на пристап до топло засолниште.
Израелската армија ја продолжи бруталната офанзива на Појасот Газа во која загинаа речиси 45.400 луѓе, главно жени и деца, по нападот на Хамас на 7 октомври минатата година и покрај резолуцијата на Советот за безбедност на ОН со која се бара итен прекин на огнот.
Тел Авив воведе задушувачка блокада на Газа, оставајќи го 2,3 милиони население на територијата на работ на глад.
Минатиот месец, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Израел, исто така, се соочува со случај за геноцид пред Меѓународниот суд на правдата поради неговите постапки во Газа.
