Високиот комесар за човекови права на Обединетите нации, Волкер Турк, изјави дека евентуалниот израелски воен напад врз градот Рафах во југот на Појасот Газа би бил застрашувачки.
„Најавениот израелски воен напад врз Рафах би бил застрашувачки бидејќи повторно ќе бидат убиени многу цивили, главно деца и жени, рече тој.
Турк додаде дека не сака ни да замисли што ќе се случи во Рафах, со оглед на масакрот што се случи во остатокот од Појасот Газа.
Тој нагласи дека нападот на Рафах може да значи и „крај на хуманитарната помош“, што би предизвикало несогледливи последици за целиот Појас Газа, вклучително и стотици илјади луѓе на северот на Газа кои се соочуваат со висок ризик од глад.
„Можноста за извршување на таква операција во Рафах покренува дополнителен ризик од злосторства под сегашните околности“, рече Турк.
Тој рече дека Израел мора целосно да ги почитува правно обврзувачките одлуки на Меѓународниот суд на правдата (МСП) од 26 јануари, како и меѓународното хуманитарно право.
„Светот не смее да дозволи напад на Рафах. Мора веднаш да се постигне прекин на огнот. Сите заложници мора да бидат ослободени“, рече Турк.
Палестинците побараа засолниште во Рафах откако израелската војска започна силно бомбардирање на градот Газа и Кан Јунис, како и околните градови и населби од 7 октомври, при што загинаа повеќе од 28.000 луѓе и предизвикаа невидено уништување и недостиг на основни потреби.
Израел принуди повеќе од 1,3 милиони Палестинци да побегнат во Рафах, ветувајќи им дека градот на египетската граница ќе биде безбеден, но сега се закануваат со воен напад и врз овој град, порачувајќи им на локалните цивили повторно да се преселат, иако немаат веќе каде да бегаат.
