Туркије денеска го поднесе своето барање до Меѓународниот суд на правдата (МСП) за учество во процесот во тужбата за геноцид против Израел, иницирана од Јужноафриканската Република.
Делегацијата составена од турскиот амбасадор во Хаг, Селџук Унал и претставници на Големото национално собрание на Туркије денеска ја доставија турската изјава за вклученост до секретаријатот на МСП.
Ова ја направи Туркије седмата земја што изјави пред МСП дека сака да се приклучи на тужбата за геноцид по Никарагва, Колумбија, Либија, Мексико, Палестина и Шпанија. Туркије се издвојува како најважна регионална земја која досега одлучи да се вклучи во процесот.
Се очекува документот да ги поддржи аргументите на Јужноафриканската Република и да се осврне на тоа како Конвенцијата за геноцид треба да се примени на дејствата на Израел во Газа од 7 октомври минатата година.
„Штотуку ја поднесовме нашата апликација до Меѓународниот суд на правдата да интервенира во случајот за геноцид поднесен против Израел. Охрабрен од неказнивоста што ја доби за своите злосторства, Израел убива се повеќе и повеќе невини Палестинци секој ден. Меѓународната заедница мора да го направи својот дел за да го запре геноцидот и да го изврши потребниот притисок врз Израел и неговите поддржувачи. Туркије ќе вложи максимални напори на овој пат“, напиша турскиот министерот за надворешни работи Хакан Фидан на Х. Државите можат да интервенираат во случај поднесен до МСП според член 2 од Статутот на Судот. На крајот на минатата година, ЈАР поднесе тужба против Израел до Меѓународниот суд на правдата поради кршење на Конвенцијата на Обединетите нации (ОН) за спречување и казнување на геноцидот од 1948 година. ЈАР побара од МСП да донесе одлука за мерките на претпазливост поради итноста на ситуацијата во Газа, а рочишта за барањето за мерки на претпазливост беа одржани во Палатата на мирот во Хаг на 11 и 12 јануари. Одлуката за мерките на претпазливост судот ја објави на 26 јануари.
Меѓународниот суд на правдата нареди, меѓу другото, Израел да преземе мерки за спречување на геноцид, како и да го казни директното поттикнување на геноцид во Појасот Газа. Израел има еден месец да поднесе извештај до судот за тоа што прави за да се усогласи со наредбата на МСП да ги преземе сите мерки што се во негова моќ за спречување на акти на геноцид во Газа. Меѓународниот суд на правдата потоа на 28 март, по дополнителното барање од ЈАР поднесено на 6 март, укажа на нови мерки бидејќи привремените мерки наведени во претходната наредба „не ги решаваат целосно последиците што произлегуваат од промена на ситуацијата“. „Од 26 јануари, катастрофалните услови за живот на Палестинците во Појасот Газа дополнително се влошија, особено во светлината на продолженото и широко распространето лишување од храна и други основни потреби на кои се изложени Палестинците во Појасот Газа“, забележа МСП. На 24 мај, МСП, исто така, му нареди на Израел веднаш да ја прекине својата воена офанзива врз Рафах, град во јужниот дел на Појасот Газа. „Израел мора веднаш да ја прекине воената офанзива и сите други дејствија во Рафах кои би можеле да создадат услови за живот на Палестинците во Газа што би можеле да доведат до негово физичко уништување целосно или делумно“, рече Наваф Салам, претседател на Меѓународниот суд на правдата. ја прочита пресудата за дополнителни привремени мерки што ги побара Јужна Африка во случајот „геноцид“ врз Израел.
