Одлуката на Русија да ги повлече своите сили од јужниот украински регион Херсон беше „позитивна и важна“, рече во четвртокот претседателот на Туркије.
„Одлуката на Русија во врска со Херсон е позитивна, важна одлука“, рече Реџеп Таип Ердоган за новинарите во главниот град Анкара пред да замине на самитот на туркиските земји во Узбекистан.
Коментарите на Ердоган уследија откако Москва во средата им нареди на своите војници да се повлечат од Херсон до источниот брег на реката Днепар. Ветувајќи дека ќе го одржи дијалогот со неговиот руски колега Владимир Путин, Ердоган рече дека доколку Путин не присуствува на Г20, ќе продолжи со телефонската дипломатија со Русија.
Во врска со напорите за нормализирање на врските на Туркије со Ерменија, Ердоган рече дека дијаспората на земјата во Франција и САД го попречуваат процесот.
„Дијаспорите постојано работат против тоа, и во Франција и во САД“, рече тој, сугерирајќи дека Ерменија може да ги претвори „негативните напори на овие дијаспори во позитивна насока“.
„Ако можат да го постигнат ова, нашата перспектива ќе се промени во позитивна насока“, додаде турскиот лидер. „Ние се стремиме да стекнуваме пријатели, а не непријатели.
Ердоган рече дека верува оти самитот на Организацијата на туркиските држави што ќе започне во петок во Самарканд ќе ја доведе соработката меѓу земјите-членки на ново ниво.
Билатералните односи и глобалните прашања ќе бидат на дневен ред во неговите контакти со шефовите на држави и влади на Самитот на турскиските држави, додаде тој.
