Туркије и Русија ги продолжија нивните заеднички копнени патроли, кои беа прекинати минатиот октомври од безбедносни причини, соопшти во петокот турското Министерство за национална одбрана.
„До 5 октомври 2023 година беа спроведени 344 заеднички активности на копнена патрола. Сепак, патролните активности беа стопирани поради безбедносната ситуација во регионот.
„Заедничката копнена патролна активност спроведена од Туркије и Руската Федерација е обновена на 22 август 2024 година, со 4 возила и 24 лица кои патролираа во источниот дел од зоната на операцијата Извор на мирот“, се вели во соопштението на Министерството.
Заедничката копнена патрола, според соопштението, се спроведува на западниот и источниот дел на Оперативната област „Извор на мир“ во согласност со договорот од Сочи потпишан меѓу Анкара и Москва на 22 октомври 2019 година.
Првата ваква заедничка копнена патролна активност беше спроведена на 1 ноември 2019 година.
„Целта на продолжувањето на активностите на заедничката копнена патрола е да се обезбеди безбедност на границите на нашата земја и цивилното население во регионот, да се воспостави стабилност во северна Сирија, да се идентификуваат контролните точки, штабовите и воените структури кои припаѓаат на терористичкате организација ПКК/ЈПГ-СДФ која мора да го напушти регионот, според договорите што Туркије ги направи со САД и Руската Федерација и да ја покаже турско-руска соработка во борбата против тероризмот“, се вели во соопштението.
