Министерството за надворешни работи на Туркије соопшти дека израелското нарушување на суверенитетот и територијалниот интегритет на Либан, со копнениот напад врз таа земја, претставува обид за нелегална инвазија.
„Повредата на израелскиот суверенитет и територијалниот интегритет на оваа земја со копнениот напад врз Либан е обид за нелегална окупација. Овој напад мора да заврши што е можно поскоро и израелските војници да се повлечат од либанската територија“, се вели во соопштението на турското Министерство.
Наведено е дека нападот бил насочен не само кон земјите од регионот, туку и кон безбедноста на нерегионалните земји и се додава:
„Како резултат на овој опасен обид за инвазија, многу е веројатно дека ќе се појави нов бран на миграција и ќе ги охрабри екстремистите ширум светот. Не треба да заборавиме дека овој развој ќе влијае и на земјите кои обезбедуваат политичка поддршка и оружје на Израел“.
Во соопштението се наведува дека Советот за безбедност на Обединетите нации треба да се придржува до меѓународното право и да ги преземе неопходните мерки против овој напад врз Либан и се нагласува дека секое злосторство извршено од Израел е „удар на меѓународното право и Повелбата на ОН. "
Главниот чекор што треба да се направи за да се постигне мир во регионот е „воспоставување итен и траен прекин на огнот во Газа“, а воспоставувањето мир во Газа е одговорност на целото човештво, се заклучува во соопштението на Министерството за надворешни работи на Туркије.
