Туркије не е вклучена во тековниот конфликт долж границата со Сирија

Вооружените сили на Туркије не се вклучени во тековниот конфликт во Сирија, кој испрати проектил во минско поле, предизвикувајќи пожар долж турско-сириската граница, соопшти во средата Центарот за контрадезинформација на Дирекцијата за комуникации на Република Туркије.

„Залутан проектил од РПГ-7 од конфликтот на границата меѓу Туркије и Сирија падна во минско поле и предизвика пожар. Вооружените сили на Туркије не се вклучени во тековниот конфликт во Сирија“, соопшти Центарот на социјалната мрежа Х. Се додава дека нема напади на турските граници, а се повикува јавноста да не обрнува внимание на други изјави освен на официјални извори.