Турски новинар бил нападнат за време на неговото јавување во живо во близина на резиденцијата на водачот на терористичката група ФЕТО Фетула Ѓулен во американската сојузна држава Пенсилванија.
Јунус Паксој, репортер на турскиот канал Си-Ен-Ен Турк, известуваше во живо кога кон него во саботата со своето возило се упати човек за кој се верува дека е поддржувач на ФЕТО.
Снимката покажува дека човекот подоцна излегол од своето возило и го удрил Паксој во лицето.
„Очилата и телефонот ми одлетаа, ме нападнаа. Ми се скина кошулата. Влегов во автомобилот веднаш (и) повикав полиција, наскоро ќе бидат тука, ќе поднесам пријава. Без разлика на се, немате право да да допирате никого овде“, рече Паксој кога го продолжи известувањето.
Турското Министерство за надворешни работи го осуди нападот во соопштение и рече дека иницирало процес за преземање неопходни чекори со американските власти за да се осигури дека одговорните за и поттикнувачите на нападот ќе одговараат.
Фахретин Алтун, шефот на Дирекцијата за комуникации на Туркије, му ги пренесе на новинарот своите најискрени желби за добро здравје.
„Нашите власти ќе се осврнат на ова прашање и ќе го преземеме секој чекор пред американските власти за да се осигураме дека оние кои се вклучени во овој гнасен напад ќе ја добијат казната што ја заслужуваат“, напиша Алтун на социјалната мрежа X.
„Ќе продолжиме да се бориме против терористите кои се непријатели на Туркије, каде и да се во светот. Им должиме благодарност на новинарите љубители на вистината што ја поднесоа оваа борба“, напиша Алтун.
Наводи за киднапирање на водачот на ФЕТО
Нападот против Паксој се случи еден ден откако Анадолу ја сними областа на резиденцијата со дрон, разгледувајќи ги наводите дека водачот на ФЕТО бил одведен на друго место од седиштето каде што престојувал долги години.
Внукот на Ѓулен, Ебуселеме Ѓулен, минатата недела во објава на социјалните мрежи тврдеше дека водачот на ФЕТО бил киднапиран од неговата резиденција.
Снимката на Анадолу покажа дека на некогаш полниот паркинг сега има само неколку возила, а се гледа само едно лице како влегува или излегува од една од куќите за гости во околината.
Според тврдењата на неговиот внук, Ѓулен на непозната локација го држи Џевдет Турјолу, познат како „црна кутија“ на организацијата, заедно со Барбарос Коџакурт, Мустафа Озџан и личниот лекар на Ѓулен, Кудрет Унал.
ФЕТО и неговиот водач Фетулах Ѓулен со седиште во САД го организираа поразениот пуч на 15 јули 2016 година, во кој во Туркије беа убиени 252 лица, а 2.734 беа ранети.
Ѓулен долго време живее во американската сојузна држава Пенсилванија. Од обидот за државен удар во 2016 година, турските лидери бараа екстрадиција на Ѓулен, но американските власти не го одобрија тоа, велејќи дека она што го поднесе Туркије не ги исполнува стандардите што се бараат. Одбивањето за екстрадиција долго време е точка на спор во турско-американските односи.