Турскиот претседател Реџеп Таип Ердоган денеска го осуди атентатот на шефот на политичкото биро на Хамас Исмаил Ханије во Техеран.
„Силно го осудувам и го проколнувам предавничкиот атентат извршен во Техеран врз шефот на политичкото биро на Хамас Исмаил Ханије. Тоа беше одвратен обид да се поткопа палестинската кауза, славниот отпор на Газа и правичната борба на нашите палестински браќа, со цел да се деморализираат, заплашат и потиснат“, објави Ердоган на X.
Ердоган нагласи дека овој атентат ги отсликува претходните напади врз Палестинци како шеикот Ахмед Јасин и Абдул Азиз ал-Рантиси, тврдејќи дека ционистичкото варварство уште еднаш нема да ги постигне своите цели.
Тој повика на обединет став од исламскиот свет за да се стави крај на угнетувањето во Газа и ја потврди посветеноста на Туркије да го поддржи формирањето на суверена палестинска држава со источен Ерусалим како главен град.
Ердоган заврши со молитва за Ханије, изразувајќи сочувство до неговото семејство и до палестинскиот народ.
Хамас објави дека Ханије е убиен во израелски воздушен напад врз неговата резиденција во иранскиот главен град Техеран.
Иранската државна телевизија, исто така, јави за смртта на Ханије, истакнувајќи дека истрагата за атентатот е во тек и дека резултатите ќе бидат објавени наскоро.
