Агенцијата на ОН за палестински бегалци (УНРВА) пронајде неексплодирани бомби од 500 килограми во училиштата откако Израел ги повлече војниците од главниот град во јужниот дел на Газа, Кан Јунис.
Агенцијата на ОН изврши „мисија за проценка“ во Кан Јунис откако израелските сили се повлекоа од градот минатата недела, соопшти УНРВА во вторникот.
При тоа се откриени „значителни предизвици во безбедното работење поради присуството на неексплодирани убојни средства (НУС), вклучувајќи бомби од 500 килограми во училиштата и на патиштата“.
„Илјадници внатрешно раселени лица имаат потреба од помош од низа предмети за спасување животи, вклучувајќи здравствена заштита, вода, санитарни услови и храна“, се вели во извештајот.
Претходно овој месец, Обединетите нации соопштија дека ќе бидат потребни „милиони долари и многу години за да се деконтаминира Газа од неексплодирана муниција“.
„Работиме според правилото дека 10 отсто од убојните средства не функционираат како што е дизајнирано“, рече шефот на Службата за деминирање на ОН, Чарлс Бирч, во изјавата на почетокот на овој месец.
„Проценуваме дека за да започнеме со расчистувањето на Газа ни требаат околу 45 милиони долари“.
Израел ја нападна Газа по прекуграничниот напад на Хамас, во кој Тел Авив вели дека убиле речиси 1.200 луѓе.
Израелската војна против Газа турна 85 отсто од населението на територијата во внатрешно раселување поради акутен недостиг на храна, чиста вода и лекови, додека над 60 отсто од инфраструктурата на енклавата е оштетена или уништена, според ОН.
Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните дејствија и да преземе мерки за да се гарантира хуманитарна помош за цивилите во Газа.
