Израелската офанзива во Појасот Газа оштети 192 џамии, вклучително и 56 кои беа целосно уништени од окупаторските сили, објави доцна во понеделникот Канцеларијата за медиуми во Газа.
„Поради израелската агресија, 192 џамии се оштетени, од кои 56 џамии целосно уништени, а цел на напади беа и три цркви“, рече портпаролот Салама Маруф на прес-конференција во градот Газа.
Тој додаде дека се оштетени 192 медицински и здравствени установи и уништени се 32 амбулантни возила, значителни штети претрпеле 113 здравствени установи, а 16 болници и 32 здравствени домови не работат.
Погодени се и околу 222.000 станбени единици, при што 10.000 згради се целосно демолирани и 40.000 станбени единици се уништени од Израелците, истакна Маруф.
Тој додаде дека израелските окупатори уништиле 222 училишта, нанесувајќи разни видови штети поради континуираното гранатирање, а 60 училишта се затворени, додека од почетокот на агресијата уништени се 88 владини згради.
