Граѓаните на Туркије денес гласаат на претседателските и парламентарните избори, а ќе бираат помеѓу три претседателски кандидати и 24 политички партии и 151 независен кандидат за парламентот кој брои 600 пратеници. Гласањето започна во 8 часот по локално време и ќе трае до 17 часот.
Ќе бидат поставени вкупно 191.885 гласачки кутии во 973 окрузи и 1.094 изборни одбори низ целата земја за избор на претседател и членови на Парламентот за следните пет години. Избирачите ќе стават две посебни гласачки ливчиња во гласачките кутии, за претседател и пратеници.
Право на глас имаат повеќе од 64,1 милиони гласачи. Околу 4,9 милиони лица во земјата ќе гласаат првпат. Гласачите ќе можат да гласаат со еден од своите документи што го содржи нивниот матичен број.
За над 3,4 милиони гласачи запишани во странските избирачки списоци беа формирани комисии во 73 земји и 156 странски претставништва.
Претседателски кандидати
Гласачите ќе избираат меѓу актуелниот претседател Реџеп Таип Ердоган, кој се кандидира за уште еден мандат, за опозициски кандидат Кемал Киличдароглу и за Синан Оган од АТА Алијанса. Кандидат за претседател на овие избори беше и Мухарем Инџе, претседател на партијата Мемлекет. Тој на 11 мај соопшти дека се повлекува од претседателската трка.
Политички партии и сојузи
На изборите ќе учествуваат вкупно 24 политички партии и 151 независен кандидат за пратеници. Некои политички партии на изборите влегуваат со пет различни алијанси: „Република“, „Нација“, „Сојуз на предците“, „Труд и слобода“ и „Сојуз на социјалистичките сили“.
Партијата на правдата и развојот (АК Партија), Партијата за национално движење МХП, Партијата за големо единство (ББП) и Партијата Нова благосостојба (Јени Рефах) учествуваат под „Народна алијанса“.
„Национална алијанса“ е формирана од Републиканската народна партија (ЏХП), ИЈИ партија, Партија на среќата (Сaадет партија) , Партијата на иднината (Гелеџек партија), Партијата за демократија и прогрес (ДЕВА) и Демократската партија.
Партијата на зелените и левичарската Иднина (Јешил сол партија) и Турската работничка партија (ТИП) настапуваат под „Алијансата на трудот и слободата“. Народната демократска партија (ХДП), за која сѐ уште трае процесот пред Уставниот суд, ќе учествува на листите на Зелената левица.
Партијата на победата и Партијата на правдата учествуваат под „Сојуз на предците (АТА), додека Комунистичката партија на Туркије, Комунистичкото движење на Туркије и Левичарската партија учествуваат под „Сојуз на социјалистичките сили“.
