Туркије и Катар се решени да ги зајакнат билатералните односи на различни полиња, се вели во заедничката декларација објавена за време на посетата на турскиот претседател Реџеп Таип Ердоган.
„Врз основа на нашите стратешки односи и билатерална соработка на политичко, дипломатско, економско и комерцијално поле и во согласност со директивите на мудрите лидери на двете земји, ние сме решени да продолжиме со нашите заеднички напори за координација на различни полиња за да обезбедиме континуитет на зајакнување на билатералните односи во корист на двете братски земји и народи“, се вели во заедничката декларација.
Министрите за надворешни работи на Туркије и Катар Хакан Фидан и шеикот Мохамед бин Абдулрахман бин Касим Ал Тани ја потпишаа декларацијата за време на посетата на турскиот претседател Реџеп Таип Ердоган на Катар, по повод одбележувањето на половина век од воспоставувањето на дипломатските односи.
„Со задоволство ја прославуваме 50-годишнината од воспоставувањето дипломатски односи меѓу Република Туркије и државата Катар во 2023 година“, се вели во соопштението. „Односите меѓу Туркије и Катар имаа квалитативна трансформација од (нивното) воспоставување во 1973 година до (тие) стигнаа до фаза на стратешко партнерство“.
„Сегашното стратешко партнерство меѓу Република Туркије и државата Катар е плодно на сите нивоа, а двете земји имаат слични пристапи за повеќето регионални и меѓународни прашања“, се додава.
„Економската и комерцијалната соработка меѓу двете земји е сведок на постојан раст во изминатите неколку години“, се додава во заедничката декларација.
