Во Ријад главниот град на Саудиска Арабија започнаа разговорите меѓу Русија и САД, чија цел е да се поправат односите меѓу двете нации и да се реши конфликтот во Украина.
Во пресрет на главната рунда разговори, претставниците на двете земји имаа неформални контакти, изјави за новинарите Кирил Дмитриев, шеф на рускиот фонд за директни инвестиции и член на руската делегација.
Портпаролот на Кремљ, Дмитриј Песков, во понеделникот изјави дека на средбата ќе се фокусираат на билатералните односи меѓу Русија и САД, подготовките за преговори за украинското решение и потенцијалната средба меѓу претседателите на двете земји Владимир Путин и Доналд Трамп.
Саудиска Арабија е избрана за место затоа што е прифатливо за двете страни, рече Песков, додавајќи дека засега е рано за дискусиите за европско учество во преговорите за украинското решение.
