Украинскиот претседател Володимир Зеленски денеска изјави дека во најновиот нацрт-договор на Украина со САД за ретки земјени метали не се споменува никакво отплата на долговите на Киев кон Вашингтон.
Зеленски изјави дека Киев нема да прифати ниту „10 центи отплата на долгот“ во договорот со САД.
„Прашањето не е дека сме неблагодарни. Ние сме благодарни. Но, ако следниот договор содржи услов дека новата помош нема да биде бесплатна, јас нема да играм“, рече тој.
Тој рече дека не може да потврди дека ќе се сретне со американскиот претседател Доналд Трамп во петок во Вашингтон, додавајќи дека „тимовите сè уште работат на тоа“, пренесува Укринформ.
Тој оцени дека успехот на нацрт-договорот зависи „само од Трамп“.
„Нашите државни функционери одлично ја оценуваат конечната верзија на договорот. Велат дека може дафункционира. Сè уште не сум ја видел конечната верзија. Тимовите навистина работеа, и Украинците и Американците“, рече Зеленски.
Тој рече дека договорот не го споменува наводниот долг на Украина од 50 милијарди долари кон САД.
„Ниту тоа е фер кон нас“, додаде Зеленски.
Тој изјави дека нацрт-договорот може да биде дел од безбедносните гаранции на САД.
Зеленски истакна дека Украина треба да знае на што може да смета од САД и додаде дека сака директно да го праша Трамп дали ќе ја прекине воената помош за Киев.
„Сакам да разговарам со Трамп и за користење на замрзнатите средства на Русија за развој на рударската индустрија, купување оружје и обнова на земјата“, рече Зеленски.
Тој посочи дека договорот ќе биде потпишан на „министерско ниво“, и затоа нема да биде потребна ратификација.
