Платформите за социјални медиуми се широко користени на Балканот, при што значителен дел од населението редовно пристапува до различни страници на социјалните медиуми. Појавата на платформи како што се Инстаграм, Фејсбук им овозможи на поединците да допрат до огромна публика и да ги развијат своите бизниси на начини кои некогаш биле незамисливи. Ова е од причина што социјалните мрежи несомнено го револуционизираа начинот на кој младите ги промовираат и продаваат своите рачно изработени производи.
Дафина Андонова е една од младите кои ги продаваат своите рачно изработени производи токму преку социјалните мрежи.
„Одлучив да изработувам накит поради мојата страст за создавање прекрасни и уникатни парчиња уметност што може да се носи. Го сакав накитот уште од мала. Имам тони ѓердани, обетки и нараквици. Во моето студио, секое парче е направено со љубов и трпение, со минималистички стил“. раскажува Андонова.
Таа е млад студент и страстен претприемач од македонската метропола Скопје. Има бренд наречен „Sincerely Studios“ во кој создава уникатни парчиња накит.
Дафина Андонова вели: „Секторот за рачна изработка на Балканот е растечка индустрија која нуди уникатни и автентични производи направени од квалификувани занаетчии. Секторот опфаќа низа занаети, вклучувајќи текстилна работа, керамика, копаничарство, металопреработување и изработка на накит“.
Евтина и лесно достапна маркетинг алатка
Еден од најзначајните начини на кои социјалните медиуми влијаеле на продажбата и промоцијата на рачно изработени производи е преку обезбедување евтина и високо достапна маркетинг алатка. Младите претприемачи можат да креираат профил на Инстаграм, Пинтерест, Фејсбук и да ги покажат своите производи преку слики и видеа.
Дафина Андонова вели „Социјалните медиуми се многу важна работа во бизнисот, може да стекнете поголема видливост, ангажман, продажба и директна комуникација со потенцијалните клиенти“.
Според извештајот на Балканскиот барометар 2022 година: Фејсбук (46%) останува доминантна медиумска платформа што ја користат купувачите, следен од Инстаграм (32%) како втора најкористена социјална платформа. Твитер, Линкдлн, Снепчет и Пинтерест се поретко користени во шесте балкански земји кои не се членки на ЕУ-Србија, Црна Гора, Босна и Херцеговина, Северна Македонија, Албанија и Косово. Употребата на овие платформи се состои од само 3%, 1%, 2% и 1% од населението соодветно.
Значи, овие платформи, со овие стапки на користење, нудат совршена можност да се вклучите со клиентите и да создадете имиџ на брендот.
„Како млад претприемач кој живее во Северна Македонија, има и можности и предизвици за започнување и развивање бизнис. Од една страна, луѓето сакаат рачно изработени уметности и занаети во мојата земја, но од друга страна, малиот домашен пазар може да ги ограничи можностите за раст“, додава Андонова.
Подлабока поврзаност со клиентите
Социјалните медиуми, исто така, обезбедуваат уникатен простор за младите да ги споделат своите приказни и да се поврзат со клиентите на лично ниво. Со споделување на нивните инспирации и креативни процеси, младите занаетчии можат да создадат подлабоко чувство на поврзаност со своите клиенти, кои пак стануваат поборници за брендот.
Платформите за социјални медиуми, исто така, даваат одлична можност за повратни информации и ангажман на клиентите, што може да биде од непроценливо значење за рафинирање на производите и градење силен идентитет на брендот.
Можност да допрете до глобална публика
Друга значајна предност на социјалните медиуми за младите претприемачи е способноста да допрат до глобална публика. Со кликнување на само едно копче, младите занаетчии можат да ги продаваат своите рачно изработени производи на клиенти од сите страни на светот.
„Многу мали бизниси и занаетчии работат во овој сектор, создавајќи производи што се продаваат локално и извезуваат во странство“, вели Андонова.
Како заклучок, социјалните медиуми имаа огромно влијание врз продажбата и промоцијата на рачно изработени производи од страна на младите луѓе. Со обезбедување на евтина маркетинг алатка, можност за лична врска со клиентите и глобална публика, социјалните медиуми им помогнаа на младите занаетчии да ги претворат своите страсти во успешни бизниси.
