Речиси 26 отсто од грчкото население се соочило со ризик од сиромаштија или социјална исклученост во 2023 година, објави во средата Статистичката управа на Грција (ЕЛСТАТ).
Процентот на ризик од сиромаштија или социјална исклученост е 26,1 отсто или повеќе од 2,65 милиони, се вели во годишното истражување за условите за живот и приходи.
ЕЛСТАТ соопшти дека ризикот од сиромаштија или социјална исклученост е поголем кај децата на возраст од 17 години и помлади и изнесува повеќе од 28%.
Се вели дека прагот на сиромаштија е 6.030 евра за домаќинство со едно лице годишно и 12.663 евра за домаќинства со двајца возрасни и две издржувани деца под 14 години.
18,9% од вкупното население било во ризик од сиромаштија по социјалните трансфери, и бележи пораст од 0,1 процентен поен во однос на 2022 година.
Ризикот од сиромаштија или социјална исклученост е најголем во регионот на Пелопонез со 35,7%, а најмал на Крит со 18,5%.
