Сите сме изложени на бројни „микростресови“, некои од нас повеќе од другите. Овие „испакнатини“ на патот на нашите живот се толку безначајни и кратки што едвај ги регистрираме, но можат да ни направат големи здравствени проблеми.
Микростресот не можат да се спореди со „макростресот“, како на пример да возите брзо автомобил во кој превезувате трудница која штотуку треба да се породи, или фактот дека возите автомобил со расипани сопирачки без претходно тоа да сте го забележале.
Иако микростресот може да изгледа безопасен поединечно, кумулативно може значително да ја исцрпи енергијата и да го оштети физичкото и емоционално здравје, предупредуваат тројца американски научници.
Во една статија објавена во Харвард Биснис Ревју (Harvard Business Review), која се заснова на студија за животниот стил на 300 луѓе вработени на високо одговорни позиции во мултинационални организации и глобален примерок од повеќе од 11.000 луѓе, научниците Роб Крос, Карен Дилон и Кевин Мартин презентираа на кој начин да се идентификуваат изворите на честите микростресори и како да се намалат нивните последици.
Три начини да ги ставите микростресовите под контрола
Крос и Дилон се коавтори на неодамна објавената книга „Ефектот на микро стрес: како малите работи се надополнуваат на големи проблеми - и што да се прави во врска со тоа“. Тие препорачаа три начини да помогнат да се стават под контрола предизвикувачите на микро стресот:
1. Почнете со мали работи
Најдобро е да започнете со обид да решите еден мал проблем неделно.
Ако ви се чини дека не можете целосно да им верувате на колегите, би можеле, на пример, да разговарате пријателски со нив за тоа.
Кажете им на што работите таа недела и прашајте ги како се справуваат со сопствените работни обврски. Ова може да помогне да се изгради меѓусебна доверба и да се намалат вашите грижи.
2. Управувајте со вашите односи
Главниот микрострес што го спомна мнозинството од испитаниците е поврзан со „исцрпувачка или негативна интеракција“ со членовите на семејството или со пријателите.
„Решавањето на овој микрострес нема да значи прекинување на контактот со овие луѓе, бидејќи најчесто не можете да ги избегнете, туку преобликување на меѓусебните интеракции кои на најефикасен начин ќе го ограничат изворот на микростресот“, велат истражувачите.
Еден од испитаниците се присетил на редовните посети на родителите од два и пол часа или подолги во сабота или недела, кои биле особено стресни за него бидејќи нивното времетраење било неопределено.
„Лекот за ова на крајот беше одлуката да ручам час и половина со мајка ми откако ќе ја напуштам работата рано во петокот попладне“. Така, испитаникот добил слободен викенд за другите активности и приоритети.
3. Обидете се да усвоите „мултидимензионален“ начин на живот
Без разлика дали станува збор за волонтерска работа, ново хоби или проширување на вашиот социјален круг, додавањето нова димензија во вашиот живот може да помогне да се намали влијанието на микростресорите, открија истражувачите.
Тие рекоа дека најсреќните испитаници во нивната студија биле поспособни да ги стават микростресорите во поширока перспектива и да ги препознаат тривијалностите, во голем дел затоа што новите личности припаѓале на две или три групи луѓе надвор од нивните работни и семејни кругови, што им овозможило да почнат да се справуваат со за нив важни активности.
Ова во суштина ги „вакцинирало“ против микростресот и им помогнало да се „издигнат над“ работите кои не можеле да ги контролираат и на нив да влијаат.
