Индиско-американскиот математичар Каљампуди Радакришна Рао на 102-годишна возраст ја доби Меѓународната награда за статистика вредна 80.000 долари.
Во соопштение, Меѓународниот одбор за доделување на наградата на Меѓународната статистичка фондација објави дека наградата „статистичар на годината“ од 80.000 долари ќе му биде врачена на Рао на Светскиот статистички конгрес што ќе се одржи во Отава, главниот град на Канада, во јули.
Наведено е дека трудот на Рао, објавен во списанието „Калкута математикс“ во 1945 година, е водич за областа на модерната статистика и дека и денес интензивно ги претставува трите главни наоди во оваа област.
Се известува дека првиот наод во работата на познатиот математичар бил „дека кога методот се користи за проценка на количина, тој може да биде добар како и секој друг метод“.
Друго откритие, наречено „Рао-Блеквелова теорема“, пружа можност да се трансформира проценката во подобра, пооптимална проценка. Овие наоди ја претставуваат основата на која се градат поголемиот дел од статистичките податоци, се наведува во соопштението.
Третиот наод се однесува на полето познато како „геометрија на знаењето“.
