„Во Србија мора да владее мир“, изјави вицепремиерот и министер за внатрешни работи на Србија Ивица Дачиќ.
„Неправдите не се поврзани за еден период. Како е можно една мала држава да доживее толку многу неправди, вклучително и бомбардирањето, незаконското прогласување на Косово... Тогаш заклучувам дека Србија не е мала и дека во неа треба да има мир и ништо друго“, рече Дачиќ на вчерашниот собир во Јагодина по повод основањето на Движењето за народот и државата, на кој се обрати и српскиот претседател Александар Вучиќ.
Тој оцени дека Србија затоа не може да си дозволи да има каква било нестабилност, туку дека треба да оди по патот на напредокот и развојот.
Низ цела Србија вчера се одржа нов протестен собир наречен „Генерален штрајк“, а во исто време Министерството за образование испрати писмо до директорите на основните и средните училишта во кое ги повикува да ги почитуваат работните обврски и ги исполнуваат предусловите за одржување на штрајкот.
