Министерството за внатрешни работи на Косово одлучи да дозволи возачките дозволи издадени од српските институции во Косово да се заменат со официјални издадени од косовските институции.
Како што се наведува во соопштението на Владата на Косово, преминувањето на косовската возачка дозвола овозможува лесна и практична регистрација на возилото.
За добивање на возачка дозвола не е потребно повторување на испитот, туку само поднесување пријава која секој граѓанин треба да ја достави до Центарот за опрема со потребните документи“, се наведува во соопштението.
Со пријавата потребно е да се достави лична карта, оригинална возачка дозвола издадена од српските власти, здравствено уверение, доказ за платен данок и оригинална возачка дозвола издадена од УНМИК или РКС, ако се поднесува барање за додавање категорија, што е овозможено и со одлука на Министерството за внатрешни работи.
Косовскиот премиер Албин Курти во видео порака на српски јазик порача дека Владата сака да ги олесни секојдневните проблеми со кои се соочуваат граѓаните.
Тој рече дека одлуката е донесена врз основа на барањата на самите граѓани.
„Ве повикувам што поскоро да поднесете барање за остварување на вашите права“, рече Курти.
Одлуката стапува во сила на 9 мај и ќе важи до 9 август 2024 година.
