Премиерот на Косово Албин Курти изјави дека косовската страна може да разгледа воспоставување, како што тој го нарече, на Здружение на општини со српско мнозинство, под одредени услови.
Косовскиот премиер на собраниската говорница, пред пратениците на Собранието на Косово каде се одржува парламентарна седница, рече дека освен што Здружението „мора да биде во согласност со Уставот“ , постојат уште пет услови.
Вториот услов кој Курти го наведе е ЗСО да не може да биде мононационална, да мора да го смени името и да служи само за хоризонтална соработка на општините, а третиот е правата на националните малцинства и соодветните заштитни механизми да го зајакнат принципот на реципроцитет помеѓу, како што наведе, „двете држави“ и да ги земе предвид европските стандарди и модели.
Курти понатаму рече дека пред основањето на ЗСО мора да бидат изгаснати, како што нарече, „нелегалните структури на Србија и да биде предадено сето нелегално оружје.“
Петтиот услов кој Курти го нарече е ЗСО да е дел од конечен договор и да се спроведува по, како што рече, „меѓусебно признавање“.
„Придружувањето може да биде дел од конечен договор дури по спроведувањето на заемното признавање, во кој случај Србија ги прифати начелата на Повелбата на Обединетите нации во меѓудржавните односи со Република Косово“, рече Курти истакнувајќи дека тоа е петтиот услов.
Шестиот услов на Курти е претседателот на Србија да ги повлече писмата упатени на највисоките функционери на државите членки на ЕУ кои не ја признаваат независноста на Косово, во кои бара тие држави да не ја прифатат апликацијата на Приштина за членство во ЕУ.
Договорот за воспоставување на Заедницата на општини со српско мнозинство во Косово, косовската и српската страна го потпишаа во 2013 година во Брисел со посредство на ЕУ, но досега не е спроведен.
Меѓународната страна, вклучувајќи ги претставниците од ЕУ и САД, ги интензивираше своите посети на Косово и упати барање до челниците на косовските институции за спроведување на досега постигнатите договори помеѓу Косово и Србија, вклучувајќи воспоставување на ЗСО како еден од условите кои треба да се постигнат до конечен договор на Косово и Србија.
