Непознат маж се полеал со бензин и се запалил пред зградата на хрватската Влада на Марковиот плоштад во Загреб.
Самозапалувањето се случило утрово околу 9:30 часот.
Според хрватските медиуми, повредениот се наоѓа на Клиниката за трауматологија.
Тој е во тешка состојба и му е загрозен животот, а се спроведуваат мерки за интензивно лекување.
Лекарите од Клиниката за трауматологија соопштија дека мажот се здобил со изгореници од четврти степен речиси по целото тело и дека е во животна опасност и моментално е без свест.
„Ќе се обидеме да го спасиме“, рекоа лекарите, додавајќи дека прогнозата е лоша.
„Но, да му дадеме шанса на човекот“, додадоа и потврдија дека се работи за човек на возраст од 57 години.
Истражен тим на криминалистичката полиција од Клиниката за трауматологија ги зеле сите докази и остатоците од облеката што мажот ја носел во моментот кога се самозапалил.
Според очевидци, полицајци од Владата дотрчале со противпожарни апарати и го изгаснале човекот.
