Министерот за дигитална трансформација Стефан Андоновски на покана на Глобалниот форум за сајбер-експертиза (GFCE) е во дводневна посета на САД.
Во рамки на посетата, како што најави ресорното Министерство, Андоновски ќе зборува на панел-дискусија на тема „Напредокот во воспоставувањето на национални сајбер-авторитети и развојот на вештини во земјите од Западен Балкан”.
На панелот ќе учествуваат и претставници од останатите земји од Западен Балкан, како и претставници од Стејт Департментот.
GFCE е водечка платформа за меѓународна соработка во областа на сајбер-капацитетите, со над 200 членки од светот, вклучувајќи влади, меѓународни организации, компании и академски институции.
За време на престојот во САД, на покана на Универзитетот „Џонс Хопкинс“, министерот Андоновски ќе одржи и предавање за дигиталната трансформација како алатка во борбата против корупцијата.
Од Министерството за дигитална трансформација најавуваат дека Андоновски ќе има и билатерални средби и посета на успешни ИТ компании во САД. бак/Фото: Министерство за дигитална трансформација .
