НАТО најави засилување на мировните сили на КФОР на северот на Косово. Командата на здружените сојузнички сили на Алијансата во Неапол соопшти дека одлуката за испраќање дополнителни војници е донесена поради неодамнешните инциденти во кои беа повредени 30 војници на КФОР.
Мобилизирани беа и Оперативните спасувачки сили кои беа подготвени да бидат распоредени во рок од седум дена за Западен Балкан. Оперативните сили се лоцирани во Италија и се мобилизирани во време на криза или во услови на ескалација на заканата, по наредба на командантот на здружените сили на НАТО.
Покрај тоа, на баталјон од мултинационални војници му е наредено да ја намали подготвеноста за распоредување од 14 на 7 дена за поддршка на КФОР во случај на потреба.
Адмиралот Стјуарт Мунш, командант на здружените сојузнички сили на НАТО во Неапол, рече дека одлуката за испраќање дополнителни сили на Косово е донесена како мерка на претпазливост за да се осигураат капацитетите потребни на мисијата КФОР.
„Сите страни мора да се воздржат од акции кои го поткопуваат мирот во сите региони на Косово“, рече Мунш.
Беше забележано дека командата на здружените сојузнички сили на НАТО во Неапол внимателно ја следи ситуацијата во Косово и ќе продолжи да се координира со КФОР за да ги обезбеди капацитетите и силите што можеби ќе бидат потребни.
