Главниот штаб на Цивилната заштита на Херцеговско-неретванскиот кантон (ХНК) и Министерството за внатрешни работи на ХНК ги објавија најновите податоци, според кои бројот на загинати во разорните поплави, порои и одрони е зголемен на 19.
„Од вкупниот број загинати, 16 се од Јабланица, тројца од Коњиќ. Според министерството за внатрешни работи, во тек е активна потрага по двајца пријавени исчезнати во Коњиќ, а по четворица во Јабланица. Од 19 загинати, едно тело се уште е неидентификувано“, се наведува во соопштението на Владата и МВР на ХНК.
Оттаму додаваат дека сообраќајната комуникација меѓу Мостар и Јабланица и Јабланица и Блидиње се уште е во прекин, додека сообраќајот меѓу Јабланица и Прозор-Рама се одвива отежнато.
„Полицијата ги упатува возачите на алтернативни сообраќајни правци. На делницата од Јабланица до Коњиќ може да сообраќаат патнички возила и камиони без приколки. Сите коридори се отворени за спасување и други служби за итни случаи“, се вели во соопштението.
Ноќта од четвртокот кон петокот катастрофални поплави и свлечишта ги погодија областите Јабланица, Коњица, Кисељак, Фојница и други градови каде покрај 19 жртви на подрачјето на ХНК, загубија и три лица во општина Фојница.
