Премиерот на Албанија Еди Рама во изјава за медиумите пред почетокот на 17-тото издание на Стратешкиот форум Блед 2022 во Словенија го изрази своето задоволство што, како што истакна, „конечно дојде крајот на ќор-сокакот“ и што Албанија и Северна Македонија веќе го започнуваат формалниот процес на преговорите за членство во Европската Унија (ЕУ).
На прашањето дали се очекува забрзување на процесот за членство во ЕУ, Рама одговори:
„Искрено, не сум сигурен дека ќе има забрзување, генерално поради геополитички причини, но сакам да се надевам дека поради геополитички причини, новата ЕУ, политиката предложена од Макрон и елаборирана од Шарл Мишел, за која работиме заедно со холандската влада и јас и премиерот Руте ќе ја забрзаме, е многу важна идеја со голем потенцијал“.
Срамота е граѓаните на Косово да не можат слободно да се движат без визи
„Од друга страна, што се однесува до Србија и Косово, мислам дека сепак е голем срам е што граѓаните на Косово не можат слободно да се движат без визи, додека тоа го правеа кога беа под варварски режим, па нивните ослободители се држат во заложништво и ова е прилично сериозен и срамен парадокс на нашето време. Што се однесува до дијалогот меѓу Косово и Србија, убеден сум, како што бев, дека не вреди да се губи толку време, толку многу енергија, наместо да се седне и да се решаваат проблемите како што беше на крајот“, рече Рама.
Запрашан дали постои растечка неусогласеност меѓу авторитетите на Албанија и Косово во однос на односите со Белград, Рама рече дека „не постои нешто како албански и косовски авторитети, туку има Албанци во Албанија и Албанци на Косово како авторитети на државите“.
„Нема никаква неусогласеност. Секако дека имаме некои разлики, што е нормално затоа што сме две различни земји и целосно го поддржуваме Косово и косовските власти кога станува збор за нивното упорно барање за признавање, но имаме малку поинаков став за тоа како да стигнеме до таму. Ние сме многу повеќе за соработка и градење чекор по чекор, земајќи ги за пример другите земји кои успеаја да создадат извонредни успешни приказни од конфликти и крвопролевање“, додаде албанскиот премиер Рама.
