Поглаварот на Српската православна црква (СПЦ), патријархот Порфириј, денеска изјави дека мора да се направи се за да се зачува мирот и дека човечките животи мора да бидат поголем интерес од кој било друг интерес.
„Мораме да направиме се за да го зачуваме мирот по секоја цена, а јас ги молев претседателот (Александар Вучиќ) и Владата да направат се за да се зачува мирот, за да не дај Боже не дојде до вооружени конфликти, бидејќи тие не се добри за никого, нема“, рече Порфириј на прес-конференцијата со српскиот претседател Александар Вучиќ.
Порфириј рече дека тензиите на Косово дошле до точка од која може да се отворат патишта кои никој не ги сака и дека се моли за сите луѓе во светот, за мир, за меѓусебно разбирање, за соживот и мир меѓу Албанците и Србите, „бидејќи факт е дека само ние преку нашите напори можеме подобро да се разбереме“.
Патријархот изрази уверување дека со добра волја може да се најде заеднички пат и додаде дека „го моли Бога Србите да го поминат Божиќ во мир“.
Зборувајќи за вчерашната забрана за влез на Косово, патријархот истакна дека вчера бил „многу тажен ден за него, но и за монасите, монахињите и свештенството кои радосно го очекувале поглаварот и духовниот отец на својата црква“ и дека е сигурен дека наскоро ќе се молат заедно.
„Вчера се обидов да остварам некои директни контакти, кои можат да помогнат да се отстрани ваквата апсурдна и ирационална забрана, а ќе повторам и сега, апелирам до оние кои мислам дека секако можат да влијаат на оние што носат одлуки во Приштина, да влијаат на тоа со цел одлуката да се смени“, рече патријархот Порфириј.
Претседателот на Србија, Александар Вучиќ на конференцијата праша „зошто некој толку хистерично инсистира да се отстранат барикадите“ и рече дека е неопходно „да се истераат Србите од Косово, особено непослушниот народ од северот на Косово, бидејќи тоа се гледа како решение“ и додаде дека „Албанците не одат по патиштата каде има барикади, ниту некој јужно од Ибар“.
Вучиќ рече дека сега претставници на Србија разговараат со претставници на меѓународната заедница, бидејќи, како што додаде, „Белград мора да ги застапува интересите на српскиот народ“.
„Го вклучивме целиот наш народ, сите можни ресурси. Се бориме за мир, се обидуваме да постигнеме компромисно решение“, рече Вучиќ и додаде дека ќе разговара со Србите (од Косово.) во наредните денови „за тие луѓе исто така да го слават Божиќ во своите домови“.
Зборувајќи за одлуката на косовските власти со која се забрани влез на патријархот Порфириј во Косово, Вучиќ рече дека соопштенијата за осуда на тој чин се „срамни“ и дека тоа говори „за односот на Западот кон српскиот народ и Србија“.
Во тие објави зборуваат и за слобода на движење, а поголем проблем е тоа што Србите поставија барикади отколку што му забранија на патријархот да помине“, рече Вучиќ.
Тој ја изрази својата благодарност до ентитетот во Босна и Херцеговина, Република Српска (РС) и претседателот на РС, Милорад Додик, за помошта што му ја даваат на српскиот народ.
На крајот на Србите од Косово им порача дека „што и да прават, Србија е со нив“.
