Српскиот претседател Александар Вучиќ, денеска во Германија изјави дека јавноста ќе биде изненадена кога во наредните денови ќе дознае колку стотици милиони евра се вложени во обидот за рушење и промена на власта во Србија, во кој тие не успеале.
„Не успеаја, ниту ќе успеат во иднина“, им рече Вучиќ на новинарите одговарајќи на прашања поврзани со протестите на опозицијата и навредите кон него.
Тој рече дека за ваквото однесување на опозицијата, покрај тоа што не можат да издржат тоа што Србија е втора најбрзорастечка економија во Европа и оти пред германскиот канцелар Олаф Шолц може да каже дека очекува Србија да биде најбрзо растечката економија во Европа следната година, има и рационално објаснување.
„Заклучокот е дека чешмите ќе се завртат за да им долеваат пари на оние кои учествуваа во обидите за бесрамни револуции низ светот. И сега кога се ближи крајот, кога веќе нема да има толку многу пари за овие уривања, нервозата е голема и мора да се побрза да се проба нешто се или ништо и пак ќе биде како и секогаш едно големо ништо за нив и еден голем успех на Србија и натамошен чекор во иднината и напредокот“, рече Вучиќ.
Српскиот потпретседател додаде дека на опозицијата нема да ѝ помогнат евтините трикови, како што се крвавите раце и дека српскиот народ никогаш нема да си дозволи обоени револуции.
Вучиќ рече дека кога и да има пуч или државен удар во светот, опозицијата се прашува кога тоа ќе се случи во Србија и тие мислат дека дошле на ред, но дека не им е редот.
„Мора да ја имаш поддршката од мнозинството луѓе. Ти си со милји далеку од тоа. Значи, не е доволно жабата да види дека коњот е поткован, за да има каде да ја стави својата потковица. Се трудам понекогаш да им објаснам, да ги научам, но не ми оди добро. Мора да го слушате оној кој ве учи и ве подучува нешто за да можете да примените нешто“, рече Вучиќ.
Претседателот на Србија ѝ порача на опозицијата дека нема да им даде мандат додека е жив и дека може да им понуди само демократско решение, а тоа е советодавен референдум на кој граѓаните би го кажале својот збор за неговото евентуално разрешување.
Тој рече дека ако народот каже дека е за тоа, истиот ден ќе си поднесе оставка.
Вучиќ му се заблагодари на германскиот канцелар Шолц за топлото добредојде.
Тој посочи дека „денес видовме и научивме многу за преработка и експлоатација на руди, минерали и ретки метали, но пред се за заштита на животната средина“.
„Ни претставува голема чест што, во време кога е тешко да се најдат слободни часови, тој одвои време да им помогне на германските експерти да најдат одговори на некои тешки и горливи прашања од интерес за нашите граѓани“, напиша Вучиќ на Инстаграм.
Шолц, кој заедно со Вучиќ го посетија рударскиот центар на Европа во Фрајберг, рече дека германската влада позитивно го оценува проектот Јадар, како и рударството на литиум во Германија и додаде дека најважно е да се почитуваат високите стандарди. за животната средина.
