Не постои друга војна во која жените и децата се директно мета како во геноцидот во Газа, изјави во петокот турскиот претседател Реџеп Таип Ердоган.
„Од 50.000 невини луѓе убиени во Газа во изминатите 13 месеци, две третини се жени и деца“, рече Ердоган во говорот на Меѓународниот самит за жени и правда во Истанбул.
Според него, „жените на Палестина, херои кои ги штитат своите деца, семејства, домови и праведна борба под бомбите, се огромни споменици на гордоста за целиот муслимански свет“.
Ердоган истакна дека „живееме во период во кој реалното и виртуелното, перцепцијата и реалноста, лагата и вистината се заменуваат, а дигиталната култура го превртува погледот на луѓето кон животот наопаку“.
„Ќе продолжиме да ги поддржуваме нашите браќа додека не престанат масакрите во Газа и Либан, додека не се воспостави прекин на огнот и мир“, рече претседателот на Туркије.
Ердоган рече дека „искрено“ верува дека Доналд Трамп, кој победи на претседателските избори во САД во вторникот, ќе ги преземе „неопходните чекори за ставање крај на војните“, изразувајќи надеж дека тоа ќе се случи.
