Туркије се залага против секаква дискриминација, нагласи турскиот претседател Реџеп Таип Ердоган во изјавата по повод одбележувањето на Ханука, еврејскиот празник кој трае осум дена.
„Разбирањето на толеранцијата, кое ги отфрла сите видови дискриминација врз основа на јазик, верување и раса, е едно од највредните наследства што ни ги остави нашата длабоко вкоренета историја и цивилизација“, рече Ердоган во средата.
„Денес, кога во различни делови на светот се зголемува нетолеранцијата кон различните верувања и идентитети, ние придаваме големо значење на заштитата на овие вредности со тоа што ќе се спротивставиме на сите видови дискриминација“, се додава во соопштението.
Ердоган, исто така, нагласи дека слободата на сите граѓани да ги практикуваат своите верувања ќе продолжи да биде под гаранција на Туркије.
Претседателот им го честиташе празникот на еврејските граѓани, кои се „составен дел од општеството“ и им посака благосостојба.
