Во турската престолнина Анкара се одржа премиерата на документарниот филм „Докази“, што го подготви Агенција Анадолу и кој јасно ги открива воените злосторства на Израел во Појасот Газа.
На премиерата на филмот присуствуваа голем број официјални претставници, меѓу кои и шефот на Канцеларијата за комуникации при Кабинетот на турскиот претседател, Фахретин Алтун, и претседателот на Управниот одбор и генерален директор на Агенција Анадолу, Сердар Караѓоз.
Во обраќањето Алтун истакна дека Туркије никогаш нема да молчи за масакрот и неправдата што Израел им ги прави на Палестинците.
„Во опкружување каде Израел без да сносни одговорност ги масакрира Палестинците, а и самата вистина, ние како Туркије нема да молчиме и јавно ќе зборуваме преку нашите медиуми. Ќе продолжиме да ја зборуваме вистината“, рече тој.
Алтун потсети дека во тој контекст прво е објавена книгата „Докази“, а потоа и документарниот филм.
Како што рече, „Докази“ е историски проект бидејќи токму со овој документарен филм е забележано секое злосторство, воено злосторство и чин на геноцид извршени од страна на Израел од 7 октомври.
Напомена дека претседателот на Меѓународниот суд на правдата, специјалниот известувач на Обединетите нации (ОН), вработените во меѓународните организации како што се „Амнести интернешнал“ и „Хјуман рајтс воч“ придонеле за овој документарен филм и споделиле важни информации за војната во Газа.
Алтун нагласи дека без разлика колку добро е направен документарниот филм, ќе треба многу време да се објаснат сите воени злосторства извршени од Израел и раните што тој ги нанесе на совеста на човештвото.
Тој истакна дека Израел се обидува да го уништи палестинскиот народ и да изврши геноцид пред очите на целиот свет.
„Документарниот филм 'Докази' токму со докази го прикажува овој геноцид, кој упорно се игнорира и се обидува да се прикрие. Верувам дека благодарение на овој документарен филм, целиот свет денес и утре ќе види како околу 34 илјади луѓе од кои 14 илјади деца, се убиени пред очите на светот“, рече Алтун.
Токму поради оваа причина, како што рече, израелската војска убива и новинари кои се обидуваат да му ја откријат вистината на светот.
На крајот, Алтун им честита на вработените и менаџерите на Агенција Анадолу, особено на оние кои дадоа придонес за книгата и документарниот филм „Докази“, како и на новинарите кои херојски ја извршуваат својата работа за вистината и правдата во Газа.
