Антирежимските групи во Сирија ги зазедоа окрузите Растен и Телбисе во стратегиски важната провинција Хомс, јавува Анадолу.
Антирежимските групи предводени од единиците Хајат Тахрир ал-Шам, кои од 27 ноември се во судир со силите на сирискиот режим и кои ја презедоа контролата врз центарот на градот Хама, сега напредуваат во провинцијата Хомс.
Утринава антирежимските групи ги зазедоа областите Растен и Телбисе, кои се сметаат за порта кон провинцијата Хомс.
Растен и Телбисе се наоѓаат на автопатот М5 што ги поврзува Алепо-Хама-Хомс и се протега до престолнината Дамаск.
Во западниот дел на провинцијата Алепо во Северна Сирија на 27 ноември избувна судир меѓу силите на режимот на Башар ал Асад и антирежимските вооружени групи.
Антирежимските вооружени групи, кои на 28 ноември брзо напредуваа од западната област на Алепо кон центарот, зазедоа поголем дел од градот на 30 ноември.
Вооружените групи, кои на 30 ноември ја презедоа контролата врз целиот Идлиб со заземањето на дистриктот Кан Шејхун, продолжуваат да напредуваат додека се водат судири во Хама.
Централниот дел на округот Тел Рифат е ослободен од терористите во текот на операцијата „Зора на слободата“ што ја започна Сириската национална армија против терористичката организација ПКК/ЈПГ на 1 декември во руралните делови на Алепо.
