Германската министерка за надворешни работи Аналена Баербок не ги поддржа повиците за прекин на огнот во Газа и побара од оние кои повикаа на прекин на огнот да одговорат на прашањето како Израел може да ја гарантира својата безбедност.
„Целосно ги разбирам емотивните повици за прекин на огнот во оваа ужасна ситуација каде што невините деца и луѓе не само што страшно страдаат, туку и умираат. Но таквите апели не се доволни за да им помогнат на луѓето вистински да гарантираат безбедност и мир. Оние кои го бараат тоа мора исто така да одговорат како барањето за прекин на огнот може да ја гарантира безбедноста на Израел во оваа страшна ситуација“, рече Баербок во изјавата за новинарите пред состанокот на министрите за надворешни работи на Европската унија (ЕУ) во Брисел.
Потенцирајќи ја ситуацијата на затворениците кои ги држи Хамас, Баербок додаде:
„Што ќе се случи со овие заложници и кој навистина ќе преговара за тоа во ситуација кога преговорите веројатно нема да спасат човечки животи?
Наведувајќи дека има потреба од сигурни хуманитарни прекини на огнот, шефицата на германската дипломатија додаде:
„Потребни се сигурни прекини на огнот кои не се само привремени. Потребни ни се паузи каде всушност можеме да стигнеме до децата кои беспомошно седат во урнатините на нивните домови во Газа бидејќи нивните семејства се заробени под урнатините“.
