Одлуката на Би-Би-Си да не ја емитува во живо церемонијата од отворањето на Светското првенство како дел од покривањето на јавниот сервис наиде на критики од спортските фанови.
Церемонијата на отворањето на Светското првенство во фудбал 2022 година се одржа на стадионот „Ал Бајт“ во Ал Хор, Доха во неделата и во живо беше пренесувана на милиони луѓе ширум светот.
Сепак, Би-Би-Си ја префрли церемонијата која наместо во живо можеше да се пристапи со услугата „Црвено копче“ - како дополнителна програма до која може да се пристапи со притискање на црвено копче на далечинскиот управувач на телевизорот - и онлајн.
Наместо тоа, покривањето на првиот канал на Би-Би-Си беше насочено кон наводните прекршувања на човекови права и други обвинувања против Катар.
„Ова е веќе најконтроверзниот Мундијал во историјата, а топката не е ни шутната“, рече Гери Линекер, поранешен фудбалски капитен на Англија, кој беше меѓу коментаторите за време на програмата на Светското првенство на радиодифузерот.
„Двојни стандарди“
Коментарот на Линекер беше споделен од многумина, потсетувајќи на неодамнешната забелешка на претседателот на ФИФА, Џани Инфантино, кој го бранеше Катар од она што тој го нарече западно „лицемерие“ поради критиките за организацијата на Светското првенство во заливската земја.
„Европа треба да престане со критиките и да се фокусира на подобрување на условите за мигрантите на нејзина територија... Она што ние Европејците го правевме во последните 3.000 години, треба да се извинуваме во следните 3.000 години пред да даваме морални лекции“, рече тој во саботата.
Во меѓувреме, корисниците го обвинија Би-Би-Си за „двојни стандарди“ на социјалните мрежи, прашувајќи зошто радиодифузерот го немал истиот пристап кога Зимските олимписки игри 2022 година се одржаа во Кина и за време на Светското првенство во 2018 година во Русија.
Корисниците ја споделија приказната на Дејли Мирор, насловена како „Англиските дресови од Светското првенство во Катар од 115 фунти (136 долари) направени од тајландски фабрички работници платени само 1 фунта на час“, како одговор на наводите за човекови права кон Катар.
