Владата во Појасот Газа ги осуди двојните стандарди што ги применува Меѓународниот комитет на Црвениот крст при испораката на телата на израелските и палестинските затвореници.
„Додека Црвениот крст одржува сериозни церемонии кога ги прима телата на израелските затвореници, телата на загинатите Палестинци се испорачуваат во сини вреќи и се фрлаат во камиони, лишени од најосновните елементи на човечкото достоинство“, наведе Исмаил ал-Севабите, директор на владината Канцеларија за медиуми во Газа, во објавата на својот профил на платформата X.
Посочувајќи на двојните стандарди што се спроведуваат, Севабите го истакна следното:
„Оваа бесрамна дискриминација во третманот ги одразува двојните стандарди и ја открива неспособноста на меѓународната заедница да обезбеди правда и правичност!“
Утрово Хамас на тимовите на Меѓународниот комитет на Црвениот крст им ги предаде телата на четворицата заробени Израелци, кои загинаа во израелските напади врз Појасот Газа, како дел од договорот за прекин на огнот и размена на затвореници.
За време на процесот на предавање, секое тело на израелските затвореници било ставено во посебни ковчези.
