Европол, во соработка со 16 земји од Европската унија, спроведе акција против криминални групи што резултираше со апсење на речиси 800 лица под обвинение за трговија со луѓе, дрога и шверц со оружје, објави во петокот агенцијата на ЕУ за спроведување на законот.
„Во акцијата во која учествуваа 31.109 полицајци се уапсени 796 лица, покренати се 316 истраги и запленети 442 парчиња оружје“, соопшти Европол.
Од Европол изјавија дека во акцијата добиле помош и „проактивното учество“ на други земји и субјекти како Северна Македонија, Србија, БиХ, Косово, Црна Гора, Туркије, Украина и Молдавија.
„Работејќи рамо до рамо, агенциите и проектите на ЕУ и наадвор од ЕУ ја обезбедија својата експертиза што овозможува вистински обединет фронт против организираниот криминал“, се вели во извештајот.
Тие додадоа дека проверките и пребарувањата ги опфаќаат и физичкиот и онлајн свет, вклучувајќи го чистиот (clear web) и темниот веб (dark web) и платформите за социјалните медиуми.
