Палестинските власти и Хамас потпишаа документ со кој се договорија да формираат заеднички комитет за управување со повоениот Појас Газа, се наведува во извештајот објавен од порталот Ал-Араби Ал-Џадед.
Според тој извештај, документот кој е потпишан предвидува формирање комитет со 10 до 15 водечки палестински личности.
Договорот дојде еден ден откако египетскиот министер за надворешни работи Бадр Абделати објави дека ривалските палестински групи Фатах и Хамас започнале разговори во Каиро за ставање на Газа под целосна контрола на палестинската управа во која доминира Фатах, пишуваТајмс оф Израел.
Газа е под контрола на Хамас од 2007 година, кога групата насилно ја зазеде територијата, заменувајќи го Фатах, кој сега владее со делови од окупираниот Западниот Брег во рамките палестинските власти.
Обидите за помирување меѓу Фатах и Хамас досега беа неуспешни поради длабоките разлики и ривалство меѓу овие две групи.
Овие разговори се дел од пошироките напори за посредување на Египет, кој се обидува да посредува за прекин на огнот меѓу Израел и Хамас и да олесни поширока хуманитарна помош за регионот.
Документот воспостави шест клучни обврски кои се обидуваат да ги обединат Западниот Брег и Газа под еден политички субјект.
Комитетот ќе биде одговорен за управување со здравството, економските услуги, земјоделството и инфраструктурата.
