Франција ќе го именува аеродромот на север по починатата кралица Елизабета Втора, соопштија локалните власти.
„Градоначалникот на Ле Туке Париз-Плаж, Даниел Факел, официјално доби одобрение од кралот Чарлс III да го именува меѓународниот аеродром „Ле Туке Париз-Плаж по кралицата Елизабета Втора“, се вели во соопштението на Градското собрание на Ле Туке.
Предлогот беше доставен шест дена по смртта на кралицата, а датумот на инаугурацијата на меѓународниот аеродром во градот Ле Туке, што се наоѓа спроти копното на Велика Британија, допрва треба да се утврди, се додава во соопштението.
„Ова е почит на големата кралица и нејзиниот вујко кои ја сакаа Франција“, се вели во соопштението.
Дизајниран во 1930-тите за да им служи на британските патници кои сакаат да патуваат во Франција, аеродромот стана „силна врска“ во 1950-тите меѓу Велика Британија и Европа, соопшти Градското собрание.
