Франциск-Абас: Решението за две држави преку дипломатија и дијалог

Поглаварот на Римокатоличката црква, папата Франциск и палестинскиот претседател Махмуд Абас разговараа за последните случувања во Палестина, објави во четвртокот Канцеларијата за печат на Ватикан. На средбата се разговарало за сериозната хуманитарна состојба во Газа, прекинот на огнот и итно ослободување на сите затвореници, се наведува во соопштението. Папата и Абас разговараа и за имплементацијата на решението за две држави преку „дипломатија и дијалог“ и важноста на посебен статус за Ерусалим. Израел започна геноцидна војна во Појасот Газа во октомври 2023 година, во која досега се убиени повеќе од 44.800 луѓе, главно жени и деца. На 21 ноември, Меѓународниот кривичен суд издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа. Јужнoaфриканската Република поднесе тужба за геноцид против Израел до Хашкиот трибунал кон крајот на 2023 година, тврдејќи дека Тел Авив не ги исполнил своите обврски од Конвенцијата за геноцид од 1948 година.