Германската разузнавачка агенција (БфВ) денес предупреди за зголемувањето на бројот на крајно десничарските екстремисти и сѐ поголемата радикализација меѓу нив.
Претставувајќи го својот годишен разузнавачки извештај на прес-конференција во Берлин, шефот на Германската разузнавачка агенција, Томас Халденванг, рече дека екстремно десничарските групи се обидуваат да добијат повеќе поддржувачи со поигрување со стравот од миграцијата и меѓународни судири.
„Потенцијалниот број на десничарски екстремисти во Германија минатата година се зголеми на 40.600, што е зголемување за 4,6 отсто. Бројот на оние кои се класифицирани како ориентирани кон насилство се зголеми на 14.500, што е зголемување за 3,6 отсто“, рече тој.
Халденванг истакна дека дошло и до пораст на бројот на насилни напади направени од десничарските екстремисти.
„Бројот на насилни кривични дела, што особено вреди да се спомене, се зголеми за 13 отсто на 1.148“, рече тој, додавајќи дека 1.016 случаи се однесуваат на тешки кривични дела со телесни повреди, вклучително и четири обиди за убиство.
