Либанската група Хезболах денеска објави дека извршила прекугранични ракетни напади насочени кон градот Сафед и илегалната населба Јифтах, како и артилериски бункери во други делови на северен Израел.
Во соопшение Хезболах истакнува дека неговите борци нападнале бункери во областите Дишон и Далтон во нападот како одговор на израелската агресија врз Либан.
Хезболах информира дека ги погодила Сафед и Јифтах, нелегална израелска населба во окупираната Голанска Висорамнина.
Израелската армија, исто така, објави соопштение во кое се вели дека сирените биле активирани во Сафед и неговите околни области по налетот на 50 ракети од Либан околу полноќ.
Општина Сафед тврди дека ударите предизвикале мала штета во една зграда и дека две лица биле полесно повредени.
Вчера израелската армија изврши серија воздушни напади врз неколку градови и региони во јужен и источен Либан, при што загинаа најмалку 23 лица, а 31 лице беа повредени.
Израел започна огромна воздушна кампања во Либан против, како што тврди, цели на Хезболах од 23 септември, при што загинаа повеќе од 1.500 луѓе, а повеќе од 1 милион се раселени.
Воздушната кампања е ескалација од едногодишната прекугранична војна меѓу Израел и Хезболах од почетокот на неговата офанзива врз Појасот Газа, во која Израел уби речиси 42.400 луѓе, повеќето жени и деца.
Израел го прошири конфликтот на 1 октомври со започнување на упад во јужен Либан.
