Израелските војници отворија оган врз Палестинците на окупираниот Западен Брег и убија две лица, меѓу кои и една 80-годишна жена.
Палестинското Министерство за здравство соопшти дека израелските сили вршат рација во бегалскиот камп Балата во Наблус и дека во таа прилика пукале врз насобраните локални жители.
Во соопштението се наведува дека во таа прилика била убиена 80-годишната Палестинка Халиме Абу Лејл.
Палестинската Црвена полумесечина известила дека е убиено уште едно лице чиј идентитет се уште не е познат.
Истите извори јавуваат дека при инцидентот се ранети уште четворица Палестинци.
Напнатоста е висока низ окупираниот Западен Брег поради смртоносната војна на Израел на Појасот Газа, во која загинаа повеќе од 43.700 луѓе, главно жени и деца, од 7 октомври 2023 година.
Околу 790 Палестинци оттогаш се убиени, а над 6.300 други се повредени во оган на израелската армија на окупираниот Западен Брег, според Министерството за здравство.
