Израелски воени авиони извршија воздушни напади врз две области во јужен Либан.
Според информациите од дописниците на Анадолу Агенција, израелски авиони извршиле воздушни напади врз областа меѓу градовите Деир Сирјан и Јахмур ал Шакиф во областа Набатије во јужен Либан и долината Зебкин во областа Сур.
Официјални извори сѐ уште не известуваат за жртви или повредени во нападите.
Во соопштението на израелската војска се тврди дека е извршен напад врз воени локации на Хезболах.
Исто така, се наведува дека активностите во нападнатите области претставуваат „еклатантно кршење“ на договорот за прекин на огнот меѓу Израел и Либан и дека нападите имале за цел да ги спречат обидите на Хезболах да се вооружи и да се зајакне.
Кревкиот прекин на огнот е во сила од 27 ноември, ставајќи крај на повеќемесечното меѓусебно гранатирање меѓу Израел и Хезболах, кое ескалира во целосен конфликт во септември минатата година.
И покрај прекинот на огнот, Израел го прекрши повеќе од 840 пати, убивајќи и ранувајќи десетици луѓе во Либан, вклучувајќи жени и деца.
Според договорот за прекин на огнот, Израел требаше да го заврши повлекувањето од јужен Либан до 26 јануари, но рокот беше продолжен до 18 февруари, откако Тел Авив одби да го испочитува договорот.
